हार्दायन, श्रीदत्त देवस्थान मठ, श्रीक्षेत्र आडी मार्फत परमात्मराज अधिष्ठान, वंदूर (ता. कागल, जि. कोल्हापूर) या ट्रस्टच्या माध्यमातून वंदूर येथे शंभर बेडचे पॉलिपॅथिक मल्टिस्पेशालिटी हॉस्पिटल निर्माण कार्य हाती घेतले आहे. येथे भाविकांनी आपल्या परीने आर्थिक स्वरूपात, वस्तूरूपात, श्रमरूपात साहाय्य केले, करीत आहेत. अनेक दानशूर अशा व्यक्ती आर्थिक साहाय्य करीत आहेत. काही महिन्यांपूर्वी इमारतीच्या दुसऱ्या मजल्याच्या स्लॅबचे काम झाले आहे. गिलावाही पूर्ण झाला आहे. फरशी, दरवाजे, खिडक्या, कलर व इतरही अनेक आवश्यक कामे होणार आहेत. एकूण तीन एकर क्षेत्र असल्याने पार्किंग व इतरही महत्त्वपूर्ण कामांसाठी एवढी जागा पुरेसी आहे. अनेक भाविकांच्या सहयोगातून सुयोग्य वेगाने हे निर्माण कार्य चालू आहे.